म ब्युझिँईरहदा

 

 "म ब्युझिँईरहदा "

जे खोजेको छ मेरो अस्तित्वले

त्यो सबै सबै

मेरै अगाडि  

मलाई नहेरी 

परेलीले आखाँहरू छोपेर

न्यानो खुसी ओढेर 

मिठो निद्रामा, कुनै दुनियामा 

मेरै अगाडि हराएको , 

देखेजस्तो लाग्छ  ।

म पुग्न सक्दिन लाग्छ ऊ सामु

ऊ हराएर ,भेट्टिएको छैन ,

म भेटमा पनि भेट्टिन सकेको छैन ।

भर्खर रोकिएको बर्षा पछिको मौसम

पातबाट तप तप तप समय खस्दै छ,

उसलाई हेरेर मबाट पटक पटक कविता खोसिदै छन ,

कति नजिक लाग्दैछ आज त्यो गगन ।

मलाई निदाउनु छैन आज

यहि संयोग समक्ष बिउझिँरहनु छ

सधैसधैको लागि पुग्ने गरि,

स्वतन्त्र मान्नेछु आफूलाई

बिसाईसके उसले नदेख्ने गरि , हिजोको भारी 

आज शान्त छ, उसको रातको चौपारी ।

शालिनतामा पोतिएर

जीवनका रङ्गहरु अनुबाद गरिदिदैँ ऊ

यो झलमल्ल बत्तिको अगाडि

दङ्ग परेर भरिएको म ,

फराकिलो देख्दैछु नटुङ्गिने गोरेटो

ऊ अनि म यहि छौँ वरिपरी 

ऊ निद्रामा

म ब्युझिँईरहेको 

म ब्युझिँईरहेको।    

                  @thesine030