शृङ्गार

 

शृङ्गार

ताजा छ,

हिजो झरेर पनि

आज भुईँमा सिँगारिएको रङ्ग

चिसो छ तर पनि

माघ-फाल्गुनमा छ गुलाबी उमङ्ग

खुला केशजस्तै सजिएको छ

खुला केशमा पनि सजिएको छ

हराएर पनि आइरहन्छ

झरिरहन्छ

छरिरहन्छ,

छरिएर सजिइरहन्छ

खै ,केही त त्यस्तै देखिईरहन्छ 

खै, कोही त त्यस्तै देखिईरहन्छ ।

कतै कतै सेतो पछ्यौरीले छोप्दै

लजाएको देखिन्छ कोपिला

दङ्ग पार्दै  

सुक्नै लागेका डालि भर्दै 

आफैमा समेटिएर

बहार लिएर 

आईरहन्छ चाड ,

बोकेर जीउनुको सार     

बस ,सधै यहि बुझ्नेछन 

यि नजरले जीवनको शृङ्गार ।

                   @thesine030