विश्वशान्ति र बुद्ध

 'विश्वशान्ति र बुद्ध'

शान्तिको दीपले प्रत्येक पटक 

सास फेर्दै गर्दा 

बुद्ध मुस्कुराईरहन्छन

अनि बनाउछन संसारलाई 

शान्तिको लुम्बिनी ।

विश्वशान्तिको लागी

पहरा दिदै गरेका

बाहिर राईफल बोकेका 

बुद्धहरू

मनभित्र बुद्धत्व बोकेका छन् 

राईफलको गोलि बनेर 

मनको ट्रिगर दबाएर 

मुखबाट बुद्धवाणी निकाल्दछन ।

मिठो मधुर स्वरमा 

गुञ्जने ती बुद्धवाणीहरूले

मग्न बनाउछ

अनि धकेल्छ जोकोहीलाई

शान्तिको आसनमा 

ती बुद्धवाणीहरू भन्छन

आफूले आफैलाई चिन्

शान्ति आफूमै पाउँछौ

तिमी आफ्नो विश्व आफै शान्त बनाउछौ ।

अहिले धेरैबाट तिरस्कृत भईसकेको शान्ति

कताकता दबिएको छ

मन्दस्वरमा बुद्ध भनिरहेका छन्

शान्ति तिमीसँगै छ 

सबैसँग फर्कने छ 

विश्वशान्ति फक्रिएर फुल्ने छ ।

प्रसन्न हुनेछ विश्व जब 

शान्तिको बादल ओढेर 

बर्षने छन खुसीका थोपाहरु

चट्याङ पर्नेछ त्यो मनमा

जो अशान्तिको वाणी फैलाउदै छ

ओझेल पर्नेछ त्यो अशान्ति

उडेर हराउने छ क्षितिजपारी ।

हरेक समय 

अझै ठुलो आवाजमा 

स्तुपा मन्दिर गिर्जाघर मस्जिदमा

गुञ्जिरहनेछ एउटै गित

'ईश्वरसँग एउटै विन्ति

नगुमोस कहिल्यै विश्वशान्ति' ।।

                     -Subash(sine030)